Avatar

فريق القسم العربي في وكالة زينيت العالمية يعمل في مناطق مختلفة من العالم لكي يوصل لكم صوت الكنيسة ووقع صدى الإنجيل الحي.

Articles par ZENIT Staff

هل هناك مصداقية تاريخية للأناجيل؟

الأناجيل المقدسة ليست كتب تاريخ أو جغرافيا، كما وأنها ليست سيرًا عن يسوع المسيح ومن اقترب منها من هذا المنطلق، لن يجد ما يبغيه لأن نوايا كُتّاب هذه الأناجيل الأربعة لم تكن توثيقيه بل تبشيرية.

زوادة اليوم

بيخبروا عن صياد كان يضيع طريقو دايما هوي و رايح عالجبل ليتصيد، قرر رفيقو يشتريلو بوصلة حتى تدلو عالطريق… و بعد فترة رجع لعند رفيقو عم يشكيلو: بعدني بضيع بالطريق. قللو رفيقو :عم تستعمل البوصلة ؟ قللو : هالبوصلة كل ما ديرا عالجنوب بتبرم بتبرم و بتدلني عالشمال… هيك بالإنجيل إخوتي ،، ما نفسرالإنجيل او ناخدو مطرح ما نحنا بدنا ،بالعكس نتبعو و نمشي مطرح ما هوي بيدلنا و نقبل مشيئة ربنا بحياتنا، و الله معكن

مشاركة البطريرك الراعي في مجمع الكرادلة حول موضوع "التحديات الراعوية على العائلة في سياق الكرازة بالانجيل"

يواصل غبطة البطريرك الكردينال مار بشارة بطرس الراعي مشاركته في روما باجتماعات مجلس كرادلة الكنيسة الكاثوليكية الجامعة برئاسة قداسة البابا فرنسيس، بعد ان شارك في اعمال مجمع التربية الكاثوليكية وهو عضو فيه.

زوادة اليوم

إنتَ ”مصمِّم إعلانات”؟ بتشتغل بِمجال الإعلانات؟
إعلانات مَرئيّة أو مَسموعة؟ صورة أو متحرّكة؟
دَورَك مهمّ! 
بإيّامنا، صار في للأسف 3 عناصر جذب إنتباه مشهورين: الجنس! المال! والسّلطة!
يمكن تِضحَكوا! بس هَيدا الواقع! شو خَصّ الصبيّة المزلّطة بالسّيّارة الجديدة؟
أو شباب اللي عَم يعملولي عَرض لَعضلاتُن بِدعاية بسكوت عا شوكولا؟ 
أو بَدَّك تطَلِّع 1400$ بأسبوع؟ وما بِتْهِمّ الطَّريقة كيف! 
الإعلان مهمّ وحلو! بس غايتو صارت بشعة والوسيلة أبشَع! 
يسوع، بإيَّامو، كان يَعمِل دعاية! كان يبعَت تلاميذو يخَبّروا بالمدن أنّو جايي يسوع!! 
بسّ الأهم اللي بَلَّش يتغَيَّر، أنّو صيت يسوع وأعمالو الحلوة صارت تِسبَقو وتَعملّوا دعاية!
كرمال هيك اليوم بتوجَّهلَك بهالكلمة: جَسَدنا مقدَّس، إن كان لابس وإن كان مزلَّط! المال مهم بَس الوسيلة النضيفة هيّ الأهمّ! حلو تتدرّج وتصير بِمَوقع المسؤوليّة، بس بِجدارتَك! مش ضروري يكونوا هالإشياء وسيلتَك لَجذب الانتباه! كون خلّاق بأفكارَك وما تمشي بِتيّار العالم اللي عم بيصير أوسَخ وأوسَخ.
هَيدي دَعوتَك: 
وَصِّل رسالتَك من دون ما تستخدم “الأوساخ” لأنّو الوَسَخ بيجذب الوحوش البرّيّة!!!
نهار مبارك للكلّ ولمُصَمّمي الإعلانات خاصَّةً.
وألله معكن

زوادة اليوم

شي مرة فكرتو كم باب منفتح بالنهار!؟ باب البيت، باب الخزانة، باب المكتب، باب الصف، باب السيارة…في بواب بتفتح بمفتاح، في بواب اصعب بتفتح ببصمة الإيد، و في بواب بعد اصعب بتفتح بأرقام سرية و في بواب هينة ما بتكون مقفلة اصلا. مش ناسيين شي؟ معقول هودي هني بس بواب حياتنا؟! في بواب السما قليل تا حدا يفكر يفتحن مع انو كل واحد منا معو نسخة من المفتاح! هني كلمتين : يا رب! هالعبارة بتفتحلك بواب السما عا شرط تكون بتعنيا و عم تقولها من قلبك! متل ما ربنا مأمننا عا مفاتيح ملكوتو ليش نحنا ما منأمنو عا مفاتيح قلوبنا؟ ما تخافو تسلمو حالكن للرب و شوفو كيف كل شي بيتيسر. دعوتنا الكن اليوم توحدو الصوت و بالعالي قولو معنا : يا رب يا رب يا رب انت اللي قلت اقرعوا يفتح لكم…و الله معكن