Mission
مواضيع الساعة
عناوين نشرة الأربعاء 29 نيسان 2026: الرّجاء بمستقبل أفضل
رسالة سلام في ظرفٍ تاريخيّ يتّسم بالحروب
البابا يصلّي على نيّة ضحايا العنف في كولومبيا
البابا لاون الرابع عشر يعترف باستشهاد 49 إسبانيًا خلال الحرب الأهلية الإسبانية
أسرار الكاهن الثّلاثة
عناوين نشرة الثلاثاء 28 نيسان 2026: الإيمان وسط الصعوبات
اختيار خمسة قدّيسين للأيّام العالميّة للشبيبة 2027
الحكمة القديمة للتقليم
فيلنيوس ستستقبل 5 آلاف حاجّ للمؤتمر الرّسولي العالميّ السادس للرّحمة
كرة القاعدة: شيكاغو وايت سوكس يُكرّم البابا بمباراة
Auteur
ZENIT Staff
Avatar

فريق القسم العربي في وكالة زينيت العالمية يعمل في مناطق مختلفة من العالم لكي يوصل لكم صوت الكنيسة ووقع صدى الإنجيل الحي.

Articles par ZENIT Staff

روحانيّة

زوادة اليوم

إنتَ ”مصمِّم إعلانات”؟ بتشتغل بِمجال الإعلانات؟
إعلانات مَرئيّة أو مَسموعة؟ صورة أو متحرّكة؟
دَورَك مهمّ! 
بإيّامنا، صار في للأسف 3 عناصر جذب إنتباه مشهورين: الجنس! المال! والسّلطة!
يمكن تِضحَكوا! بس هَيدا الواقع! شو خَصّ الصبيّة المزلّطة بالسّيّارة الجديدة؟
أو شباب اللي عَم يعملولي عَرض لَعضلاتُن بِدعاية بسكوت عا شوكولا؟ 
أو بَدَّك تطَلِّع 1400$ بأسبوع؟ وما بِتْهِمّ الطَّريقة كيف! 
الإعلان مهمّ وحلو! بس غايتو صارت بشعة والوسيلة أبشَع! 
يسوع، بإيَّامو، كان يَعمِل دعاية! كان يبعَت تلاميذو يخَبّروا بالمدن أنّو جايي يسوع!! 
بسّ الأهم اللي بَلَّش يتغَيَّر، أنّو صيت يسوع وأعمالو الحلوة صارت تِسبَقو وتَعملّوا دعاية!
كرمال هيك اليوم بتوجَّهلَك بهالكلمة: جَسَدنا مقدَّس، إن كان لابس وإن كان مزلَّط! المال مهم بَس الوسيلة النضيفة هيّ الأهمّ! حلو تتدرّج وتصير بِمَوقع المسؤوليّة، بس بِجدارتَك! مش ضروري يكونوا هالإشياء وسيلتَك لَجذب الانتباه! كون خلّاق بأفكارَك وما تمشي بِتيّار العالم اللي عم بيصير أوسَخ وأوسَخ.
هَيدي دَعوتَك: 
وَصِّل رسالتَك من دون ما تستخدم “الأوساخ” لأنّو الوَسَخ بيجذب الوحوش البرّيّة!!!
نهار مبارك للكلّ ولمُصَمّمي الإعلانات خاصَّةً.
وألله معكن

روحانيّة

زوادة اليوم

شي مرة فكرتو كم باب منفتح بالنهار!؟ باب البيت، باب الخزانة، باب المكتب، باب الصف، باب السيارة…في بواب بتفتح بمفتاح، في بواب اصعب بتفتح ببصمة الإيد، و في بواب بعد اصعب بتفتح بأرقام سرية و في بواب هينة ما بتكون مقفلة اصلا. مش ناسيين شي؟ معقول هودي هني بس بواب حياتنا؟! في بواب السما قليل تا حدا يفكر يفتحن مع انو كل واحد منا معو نسخة من المفتاح! هني كلمتين : يا رب! هالعبارة بتفتحلك بواب السما عا شرط تكون بتعنيا و عم تقولها من قلبك! متل ما ربنا مأمننا عا مفاتيح ملكوتو ليش نحنا ما منأمنو عا مفاتيح قلوبنا؟ ما تخافو تسلمو حالكن للرب و شوفو كيف كل شي بيتيسر. دعوتنا الكن اليوم توحدو الصوت و بالعالي قولو معنا : يا رب يا رب يا رب انت اللي قلت اقرعوا يفتح لكم…و الله معكن

كنيسة محليّة

البابا يلتقي اللجنة المنظمة للهيكلية الاقتصادية في الفاتيكان

عقد البابا فرنسيس ومجلس الكرادلة اجتماعهم الثالث مع ممثلي لجنة دراسة إعادة الهيكلة الاقتصادية والإدارية للكرسي الرسولي، وقال مدير دار الصحافة التابعة للكرسي الرسولي الأب فيديريكو لومباردي أن اللجنة التي كانت قد بدأت العمل منذ 7 الى ثمانية أشهر “تحمل الأفكار والمقترحات الأولية ولكمن لم يتخذ أي قرار بعد.”

روحانيّة

زوادة اليوم

اذا توقعت انو الناس يعاملوك منيح لأنو انت منيح و نفسيتك حلوة متل كأنك متوقع انو ما يأذيك الثور لأنك نباتي ما بتاكل لحمة! منقصد نقلك انو مش مزبوط دايما كما تعامل تعامل، اوقات كتير بتكون انت منيح بس بتطلع براسك و بتكون المظلوم بتبين بنظر الكل الظالم. يسوع كان عارف انو هيك رح يصير هوي قلنا ها انا ارسلكم كالحملان بين الذئاب. و هوي وصانا نحب اعداءنا بس ما قال ابدا انو هالشي رح يكون هين. مين منا ما عندو اعداء؟ مش ضرورة عداوة بمعنى العداوة يمكن حدا مخانق انت و ياه و ما بتحكي معو، يمكن غيرة يمكن حسد يمكن كذب يمكن خيانة كلن هودي اشيا بتأذينا بس هون بتجي قوة كونك مسيحي: انك تقدر تسامح و تغفر و اوعا تفكر انو هالشي بيعني انك ضعيف بالعكس اقوى انسان هوي اللي بيقدر يتحدى حالو و يكسر حقوقو هوي و راسو مرفوع اذا مش كرمال الانسان اللي قدامو كرمال ربنا اللي شايف كل شي و الله معكن

روحانيّة

زوادة اليوم

بيمرق بحياتنا ايام بيكون كل شي منيح. صحتنا منيحة، متفقين مع اللي حوالينا، عم نتعلم، عم نشتغل…بهيك نوع ايام قليل اللي بيلاقي وقت لربنا و قليل اللي بيصلي، مش لأنو ما عنا وقت لأ! لأنو كل شي منيح و مش عايزينو مننساه! هيك صايرة علاقتنا بربنا، مصلحة!! هوي مش طالب منا المستحيل بس عالقليلة اذا مرقنا من حد كنيسة او مزار نصلب ايدنا عا وجنا و نقلو بشكرك يا رب عالنعمة اللي معيشني فيا بوقت غيري عندو مشاكل كتير. نحنا تعودنا عا ربنا و صرنا نعتبرو تحصيل حاصل و انو مجبور فينا بوقت نحنا ما عم نقدملو شي! عالقليلة نعرف نشكر هوي ما بدو اكتر من هيك. اذا حدا عطاك شي بتقول merci ربنا عطاك الحياة! لو بتقضي عمرك تشكرو ما بتوفيه! عا كل حال زوادتنا اليوم وقفة ضمير قدام عطايا ربنا النا و تذكير بحضور الله بحياتنا لو مش حاسين فيه هوي حاضر دايما والله معكن