زوادة اليوم

التراب

Print Friendly, PDF & Email
Share this Entry

زوَّادة طَبيعيّة: التراب

لمّا منروح بالطّبيعة، منلاقيه هونيك ومنقول: سبحان ألله!
لمّا منرجع عالبيت بدنا نفوت عالبيت، منّفّض إجرَينا منّو!
مَحل ما موجود، وبيلحقو شويّة مَي، بيعطي خَضار.
إذا كان سميك، بتِكبَر الشّجرة! 
وإذا كان رقيق، بتيبس العشبة!
لمّا الواحَد بيتغرَّب عَن الوطن: بيقول: مشتاق شِمّ ريحة ترابك يا وَطَني!!
بيضَلّ بالرّغم من كل شي، بالأرض! متواضِع، بيقبَل يندعس كرمال يعطي حياة!
هالتّراب، قَد ما مندعّس عليه، بيضَلّ مهمّ!
قَد ما بتعطيه بيعطيك! 
فاتح قلبو تا يستقبل كل شي مِنّك!
كل ما تعتني فيه، هوّي بيعتني فيك!
خَلّونا اليوم، من التراب ناخُد زوّادة لحياتنا، ونتعلّم التّواضع وتحمّل الأوجاع، والآلام كرمال نِقدِر نَعطي ثمار.
ونخَلّي كل شي بيصير معنا، مصدر حياة مثمرة.
نهاية أسبوع مباركة 
وألله مَعكن.

Print Friendly, PDF & Email
Share this Entry

ZENIT Staff

فريق القسم العربي في وكالة زينيت العالمية يعمل في مناطق مختلفة من العالم لكي يوصل لكم صوت الكنيسة ووقع صدى الإنجيل الحي.

Help us mantain ZENIT

إذا نالت هذه المقالة اعجابك، يمكنك أن تساعدنا من خلال تبرع مادي صغير