زوادة اليوم

بيخبرو عن صبي زغير مريض اخدتو امو تزورو مزار لورد و تطلب نعمة الشفا من الله لإبنها. بس وصلو كان في ابونا عم يبارك الموجودين. صار الصبي يصرخ يا يسوع اشفيني يا يسوع اشفيني بس ما صار شي! قام هالصبي قلو ليسوع: ما رح تشفيني؟ انا رح خبر امك عنك! و بلحظة شفي هالطفل اللي بكى و ضحك الحاضرين كلن! زوادتنا اليوم عم تقلنا انو يسوع ما بيرفض طلب لإمنا العدرا، تذكرو انو حتى اول عجيبة عملها يسوع بقانا كانت بطلب من امو... صلولا و اطلبو منها النعم هيي اللي دايما حاضرة تسمع صرختنا و بتحمينا نحنا و عيالنا و ولادنا. ما تنسو انو مريم ام! و قلب الإم حنون. مريم ام الكل صليلا و ما تمل...انتي يا مدرسة الحب يا عدرا من قبالك ودي صلاتي ليسوع و وصليلو نوايانا و نوايا كل المؤمنين آمين و الله معكن